5
Hukumar Shirya Jarabawar Shiga Jami’a ta Najeriya (JAMB) ta kori ɗaya daga cikin ma’aikatanta bisa zargin karɓar kuɗi daga wasu masu neman rubuta jarabawar.
JAMB ta ce matakin wani ɓangare ne na ƙoƙarinta na kawar da cin hanci da rashawa da kuma tabbatar da ingancin tsarin jarabawa da shiga makarantun gaba da sakandare.
Hukumar ta kuma gargadi ma’aikatanta cewa duk wanda aka samu da aikata abubuwan da za su lalata mutuncin hukumar ko cin moriyar masu neman rubuta jarabawar zai fuskanci hukunci bisa ƙa’ida.
JAMB ta jaddada cewa manufarta ta rashin haƙuri da rashawa ta shafi dukkan ma’aikata, ba tare da la’akari da matsayinsu ba.
